Eusko Jaurlaritzako eta Vitoria-Gasteizko Udaleko ekimena
Eusko Jaurlaritzako Industria, Trantsizio Energetiko eta Jasangarritasun Sailak, Vitoria-Gasteizko Udaleko Ingurugiro Gaietarako Ikastegiak eta SEO/BirdLifek bat egin dute hiri-bioaniztasunaren inguruan, José Javier Frías Sáezen liburu berri bat aurkezteko. Liburuak Vitoria-Gasteizko barneko parkeak eta berdeguneak aztertzen ditu, gero eta garrantzitsuagoak diren espazioak, non inguruko izaki bizidunen aberastasuna aurki daitekeen.
Helburua da haurren, helduen eta gazteen artean naturaren behaketa sustatzea, ingurumenaren hezkuntzari garrantzi berezia emanez. Vitoria-Gasteizko Udalak liburu hau hezkuntza eta sentsibilizazio baliabide gisa banatuko du Ataria ekintzetan parte hartzen duten ikasleen artean.
“Ezagutzen dena balioesten eta babesten da” ikuspuntuari jarraiki, hiritarrak berdeguneetara animatzen ditu, espezie ezberdinak behatzeko asmoz. Horrela, hiritarrak euren auzoetako naturalistak izatera iritsiko dira.
Eusko Jaurlaritzak eta Vitoria-Gasteizko Udalak ingurumen hezkuntza, hiritarren parte-hartzea eta jasangarritasuna sustatzen jarraitzeko konpromisoa indartzen dute, hiri-bioaniztasunari merezitako lekua emanez.
