Itzarri Enpleguko BGAEren Ohiko Batzar Nagusia
Gasteizen bildu da Itzarri Enpleguko BGAEren Ohiko Batzar Nagusia, eta Maria Ubarretxena, Gobernantza, Administrazio Digital eta Autogobernuko sailburua buru duela, 2025eko kontuak onartu ditu. Erakundeak ekitaldia % 7,95eko errentagarritasunarekin itxi zuen, 114 milioi euroko irabaziekin eta 1.605 milioi eurotik gorako ondarearekin, 134.655 bazkide lortzeaz gain.
2025eko ekitaldian, Itzarriren bilakaera sendotu egin da. Errenta finko eta aldakorreko merkatuen portaera onaren testuinguruan, BGAEak 205 milioi euro baino gehiago handitu zuen ondarea aurreko urtearekin alderatuta, eta 5.804 bazkide berri izan zituen. 2005. urtean sortu zenetik, 618 milioi euroko irabaziak metatu ditu erakundeak.
Errentagarritasuna eta Arriskua
Ekitaldiko garrantzitsuenetako bat izan da % 7,95eko errentagarritasuna arrisku-politika zorrotzari eutsiz lortzea. Errenta aldakorrerako batez besteko esposizioa ondarearen % 20tik beherakoa izan da. Era berean, erakundeak kostuak murrizteko egindako ahaleginak ere azpimarratu behar dira.
Hamar Urteko Emaitzak
Itzarriren ibilbidea epe ertain eta luzeko emaitzen sendotasunean oinarritzen da. Azken hamar urteetan, urteko batez besteko errentagarritasuna UTBaren % 4,45 izan da, eta jaio zenetik, UTBaren % 4,36. 2005eko apirilean 1.000 euroko ekarpena egiten duen pertsona batek 2.400 euro baino gehiagorekin itxiko luke 2025ean.