Gasteizko Udalak Udaltzaingoarentzako ekipamenduaren egokitzapena bultzatzen du
Gasteizko Udaleko gobernu batzordeak Udaltzaingoarentzako aldagela, ekipamendua eta segurtasun tresna berrien hornidura kontratatzeko espedientea onartu du ostiral honetan. 630.000 euroko aurrekontua izango du kontratu honek, BEZ barne, eta 2027an eta 2028an langileen beharrei erantzuteko aukera emango du, 2029an luzatzeko aukerarekin.
Kontratazioa zortzi sailetan banatuta egongo da, enpresa hornitzaileen espezializazioa errazteko, produktuen kalitatea hobetzeko eta lehia bultzatzeko helburuekin. Enpresek sail bakoitzerako eskaintzak aurkeztu ahal izango dituzte, baina saila osatzen duten artikulu guztiak jaso beharko dituzte.
Zenbateko handiena oinarrizko uniformeekin lotuta dago, 187.152,58 euroko aurreikuspena izango baitu. Halaber, motor gidarientzako ekipamendurako 182.490,46 euro eta balen aurkako babes elementuetan 80.059,52 euroko inbertsioa aurreikusi da.
Kontratu berri honek 50 agente plaza berrirekin handitze prozesu batean dagoen polizia kidegoari jantzi eta ekipamendu beharrak asetzeko aukera emango du. Jasangarritasun neurriak ere aurreikusten dira, udaltzaingoak sortutako eta erabiltzen ez diren arropak eta artikuluak birziklatuko dituzte. Horrela, Gasteizko Udaltzaingoak funtzionatzeko beharrezko jantziak eta ekipamenduak izango ditu, bere irudi korporatiboari eutsiaz.
